ست النظاره

يا الابسه النضاره
يا الجننتى أولاد الحاره
ما دى قلوبنا معاك محتاره
الكبير والصغير بوراك يتجارى
دى الغايرات منها بنات الحاره
ناس كلتوم وعشوشه وبت عمنا جباره
إنتو ماشفتوها.. جمال وكمال وأصاله
وفوق لقمر السبعتين زايده نضاره
مره أخوكم عامل فيها شطاره
مشيت السوق إشتريت الجنز
وفنيله كت وكمان كــداره
وما تنسو برضى أشتريت نضاره
والليله يا أنا يا هى فى الحاره
جيتا أقدل وماسك سجاره
صباح الخيرعليك يا جاره
شافتنى من فوق لتحت بتحت النضاره
عليكم الله دى ما حقاره
ردت وبكل ثقاله
صاح القرد فى عين أمو غزاله
بلعت الكلام بمراره
وترانى عامل فيها حبيب
لاكـن ياخســاره